გამომხატველობითი
კითხვის წრე
საგანი
:ქართული ენა
საფეხური: დაწყებითი კლასები: III-IV კლასის
მოსწავლეები
წრის
ხელმძღვანელი: დალი თებიძე
მიზანი:
მოსწავლეეები სემესტრის განმავლობაში განივითარებენ შემოქმედებით უნარ-ჩვევებს , გამოიმუშავებენ გამომხატველობითი კითხვის
უნარებს . სხვადასხვა ღონისძიებებში ჩართულობით დაძლევენ საზოგადოების წინაშე
გამოსვლის კომპლექსს და განივითარებენ პრეზენტაციის უნარებს, ტექსტებისა და ლექსების გამომხატველობითი კითხვის მიზნით ვარჯიშის შედეგად განიმტკიცებენ კითხვის უნარებს. თანამშრომლობის, სხვადასხვა მასალების მოძიების შედეგად განივითარებენ კვლევა -ძიებისა და წიგნიერების უნარებს .
აქტუალურობა:
დღესდღეობით მოსწავლეები სამწუხაროდ ნაკლებად ინტერესდებიან წიგნთან მუშაობით,მათ
უფრო საათობით იტაცებთ არაფრისმომცემი კომპიუტერული თამაშები.წრეობრივ მუშაობაში ჩართვა
კი უბიძგებს მოსწავლეებს წიგნიერებისაკენ,რადგან
იგი ხელს შეუწყობს მოსწავლეების ჩართვას
ბიბლიოთეკებში, სხვადასხვა ღონისძიებებსა და ზეიმებში. გამომხატველობითი კითხვის წრე
ხელს შეუწყობს მოსწავლეთა შემოქმედებითი უნარების გამოვლენასა და გაძლიერებას, რაც
ნაკლებად არის შესაძლებელი საგაკვეთილო პროცესის
პროგრამის ფარგლებში. წაახალისებს და აამაღლებს მოტივაციის დონეს იმ მოსწავლეებში,
რომლებსაც მეტნაკლებად აქვთ მხატვრული კითხვის ნიჭი, მაგრამ არ აქვთ საკუთარი ძალების რწმენა და არ ეძლევათ თვითგამოხატვის საშუალება.
თემატიკა: სხვადასხვა ქართველი ავტორების (პატრიოტულ თემებზე) ლექსების შესწავლა; ანა კალანდაძის შემოქმედებისა და ლექსების შესწავლა;ასევე მურან ჯინორიას,გურამ საღარაძის,ზინაიდა კვერენჩხილაძის მიერ შესრულებული მხატვრული კითხვის ნიმუშების ამსახველი ვიდეოების გაცნობა.
პროფილი: ქართული ენა და ლიტერატურა
შესაბამისობა ესგ
გათვალისწინებულ შედეგებთან :
ქართ. III. 4. მოსწავლე ფლობს
კითხვის ტექნიკას.
·
ხმამაღლა კითხულობს
მცირე ზომის ტექსტებს, იცავს პაუზას სასვენ ნიშნებთან.
·
მონაწილეობს ინსცენირებაში, არჩევს როლის შესაბამის ინტონაციასა და სხვა
გამომსახველობით ხერხებს;
ქარ. III. 9. მოსწავლეს შეუძლია ვიზუალურად
აღიქვას და/ან თავად შექმნას სხვადასხვა ტიპის ტექსტი, ვიდეო და
აუდიომასალა.
·
მასწავლებლის დახმარებით შეადგენს საპრეზენტაციო
პროგრამას (სლაიდშოუს) ნაცნობი სიუჟეტის გადმოსაცემად;
ქართ. IV. 3. მოსწავლეს შეუძლია მიუსადაგოს სამეტყველო ქცევა დასახულ საკომუნიკაციო
ამოცანას.
·
ხმამაღლა კითხულობს კლასის წინაშე სასურველ / შერჩეულ
ნაწყვეტს ნაცნობი ტექსტიდან და ინტონაციით გამოხატავს ტექსტში ასახულ ემოციებს;
·
იყენებს ინტონაციას სასვენი ნიშნების ფუნქციით;
·
მეტყველებს გარკვევით და მკაფიოდ.
ქარ. IV. 9. მოსწავლეს შეუძლია მცირე ზომის მიზნობრივი ტექსტების სათანადოდ გაფორმება და ტექსტის არავერბალური ნაწილების ამოცნობა; ავლენს ტექსტის არავერბალური
ინტერპრეტაციის უნარს.
·
როლის (მოლაპარაკე ცხოველების, უსულო საგნების)
განსასახიერებლად ადეკვატურად იყენებს დამხმარე საშუალებებს (ჟესტს, მიმიკას, დამახასიათებელ
მოძრაობას, გარკვეულ არტიკულაციას; მოხერხებულობის, ტყუილის თუ სხვა თვისებებისა და
გრძნობების გამომხატველ მინიშნებებს);
·
თანაკლასელების ჯგუფთან ერთად განასახიერებს წაკითხული
ტექსტის ცალკეული ეპიზოდის / ეპიზოდების მიმიკურ მიზანსცენებს .
მოსალოდნელი
შედეგები: მოსწავლეები წრეში მუშაობის შედეგად გამოავლენენ და განამტკიცებენ
გამომსახველობითი კითხვის უნარებს, განივითარებენ
კითხვის,პრეზენტაციის,ჯგუფური მუსაობის,თანამშრომლობის,შემოქმედებით უნარებს, დაძლევენ
საზოგადოების წინაშე წარდგომის კომპლექსებს. ყოველივე ეს უნარები მათ გამოადგებათ ყოველდღიურ
ცხოვრებაში, სხვადასხვა თანამედროვე პროფესიების დაუფლებაში.
წრის
მუშაობაში ჩართული პირები: სკოლის ბიბლიოთეკარი; მოსწავლეთა მშობლები.სხვადასხვა ღონისძიებების ორგანიზატორი მასწავლებლები.
მოსწავლეთა
ასაკი: 10-11 წელი.
დრო: წრის მუშაობა განხორციელდება
2017-2018 სასწავლო წლის I სემესტრის განმავლობაში ,ოთხშაბათობით, 13სთ 30 წთ.
რესურსები:
ლექსები, მცირე ზომის მხატვრული ტექსტები,გამოცანები,ენის გასატეხები,ზღაპრები,პროექტორი, დიდი ფორმატის ფურცელი,
ვიდეორესურსები ინტერნეტიდან,თაბახის ფურცლები,კალმები,ცარცი,დაფა,კომპიუტერი, ხმის
ჩამწერი, მოსწავლის ბუკი,მოსწავლის რვეული.
